दरभंगा-मुजफ्फरपुर रेललाइन

दरभंगा सं मुजफ्फरपुर के बीच नबका रेल लाइन के शिलान्यास सिंघबाडा मे भेल. एकर शिलान्यास करैत रेल मंत्री लालू प्रसाद यादव जी कहलथिन्ह जे नबका रेल लाइन सं जाले… सिंघबाड़ा आओर केवटी सेहो जुड़त. मुदा केना जुड़त एकर खुलासा नहिं भेल. लालूजी तं इहो कहलथिन्ह जे केवटी… जाले… सिंघबाड़ा के जनकपुर रोड़ स्टेशन पुपरी सं सेहो जोड़ल जाएत. रेलमंत्री कहलाह जे अगर मुख्यमंत्री नीतीश कुमार जल्दीए जमीन उपलब्ध करा देताह त ई लाइन तीन साल मे बनि जाएत. लालूजी पिछला दु साल मे बिहार मे कइटा रेल परियोजना के शिलान्यास कएलथिन्ह अ मुदा ओ आगां नहिं बढ़ि पा रहल अछि. शिलान्यास के बाद काज सेहो आगां बढ़य ई इंतजाम होबाक चाही. अखन ओ रेलमंत्री छथिन्ह कोशिश कs परियोजना मे तेजी ला काज के करबा सकय छथिन्ह . मुदा चुनावक बाद कि होएत कहल नहिं जा सकैत अछि. आओर अगर चुनाव बाद लालूजी छोड़ि दोसर कोनो गोटा रेलमंत्री बनताह त फेर ओ बिहारक परियोजना के जारी रहय देताह या ठंडा बस्ता मे डालि देताह के जानैत अछि.

This entry was posted in मिथिला- मैथिली. Bookmark the permalink.